Ամեն անգամ ինձ տեսնելիս դու քարանում ես վախեցած բադի նման․ Տոպուրիան՝ Ծառուկյանին

Խառը մենամարտերի թեթև քաշային կարգում UFC չեմպիոն Իլիյա Տոպուրիան արձագանքել է չեմպիոնի հավակնորդ Արման Ծառուկյանի մարտահրավերին։

«Ամեն անգամ ինձ տեսնելիս դու քարանում ես վախեցած բադի նման՝ չիմանալով, թե ինչ անել։ Դու գիտես, որ ես կարող եմ վարվել քեզ հետ այնպես, ինչպես ցանկանամ։ Ես կկռվեմ նրա հետ, ում կընտրի UFC-ն։

Մի մոռացիր, որ ես քեզ ապտակեցի, իսկ դու պարզապես ծիծաղեցիր։ Հիմա գանգստեր ես ձևանում։ Շարունակիր նույն ոգով, դու ճիշտ ուղու վրա ես։ Բայց այդ ուղին մի քանի աստիճան ցածր է իմինից»,- սոցիալական ցանցերում գրել է Տոպուրիան։

Հավելենք՝ Դոհայում անցկացված UFC 265 մրցաշարի գլխավոր մենամարտում Արման Ծառուկյանը երկրորդ ռաունդում խեղդող հնարքով հաղթել էր դասակարգման 6-րդ համար Դեն Հուքերին՝ ստանալով չեմպիոնի հավակնորդի կարգավիճակ։