Իրանը հայտարարում է Խամենեիի դեմ մահափորձի վտանգի մասին

Իրանի հետախուզության նախարար Էսմայիլ Խատիբը հայտարարել է, որ երկրի «թշնամիները» ծրագրում են մահափորձ կամ հարձակում Իրանի գերագույն առաջնորդ Այաթոլլա Ալի Խամենեիի դեմ՝ նպատակ ունենալով ստեղծել ներքին անկայունություն։

Խատիբի խոսքով՝ թիրախավորումը ուղղված է ոչ միայն երկրի առաջնորդին, այլև երկրի անվտանգությանը և պետական կառավարման կայունությանը։

Նախարարը նշել է, որ Իրանի անվտանգության կառույցները հետևում են հնարավոր սպառնալիքներին և ձեռնարկում կանխարգելիչ գործողություններ՝ ցանկացած փորձ կանխելու համար։ Խատիբը չի հստակեցրել, թե որ ուժերն են, ըստ Թեհրանի, կանգնած այս պլանների հետևում, սակայն ընդգծել է, որ Իրանը պատրաստ է հակազդել յուրաքանչյուր թշնամական գործողության։