Իսրայելը Գազայում վնասազերծել է ՀԱՄԱՍ-ի հինգ բարձրաստիճան անդամների. Նեթանյահու

Իսրայելի վարչապետի գրասենյակը տեղեկացրել է, որ Գազայի հատվածում վնասազերծել են ՀԱՄԱՍ շարժման հինգ բարձրաստիճան անդամների։ Ըստ հաղորդագրության, գործողությունը իրականացվել է այն բանից հետո, երբ խմբավորումը, ըստ իսրայելական կողմի, խախտել է գործող հրադադարի պայմանավորվածությունները։

Պաշտոնական տվյալներով՝  ՀԱՄԱՍ-ի մի զինյալ անցել է Իսրայելի վերահսկողության տակ գտնվող տարածք՝ իբր զինված գործողություն իրականացնելու նպատակով երկրի պաշտպանության բանակի զինծառայողների նկատմամբ։ Իսրայելը հայտարարել է, որ միջադեպին արձագանքել է «անհրաժեշտ միջոցներով»։

 Հաղորդագրությունում նշվում է, որ պատասխան գործողության ընթացքում Իսրայելի ուժերը թիրախավորել ու վնասազերծել են շարժման հինգ ղեկավար անդամների։ Միջադեպի այլ մանրամասներ չեն հաղորդվում։

Իսրայելը հայտնում է, որ իր քայլերն ուղղված են հրադադարի պահպանմանը և նման միջադեպերի կանխմանը։ ՀԱՄԱՍ-ի կողմից տվյալ հայտարարությունը չի մեկնաբանվել։