Ինչու է Սամվել Շահրամանյանը հանդիպել Հայաստանի նախկին նախագահների հետ. «Հրապարակ»

Արցախի նախագահ Սամվել Շահրամանյանն օրերս հանդիպել է ՀՀ առաջին և երկրորդ նախագահների` Լևոն Տեր-Պետրոսյանի և Ռոբերտ Քոչարյանի հետ։ Այս մասին գրում է «Հրապարակ» օրաթերթը:

Նշվում է, որ հանդիպումները առանձին–առանձին են եղել և ունեցել են արարողակարգային բնույթ:

«Քննարկել են հիմնականում Արցախում մինչեւ սեպտեմբերի 19-ը տիրած վիճակը, մեկօրյա պատերազմը, արցախցիների տարհանման հարցերը, ապագային գրեթե անդրադարձ չի եղել»,– նշում է օրաթերթը:

Ըստ օրաթերթի՝ Շահրամանյանը Հայաստան գալուց հետո հանդիպել էր նաև ՀՀ երրորդ նախագահ Սերժ Սարգսյանի հետ։ «Այդ հանդիպումների մասին որևէ հաղորդագրություն չի տարածվել՝ թերևս խուսափելով քաղաքական շահարկումներից, մինչդեռ անհայտ ՀԿ-ի ներկայացուցիչների և Շահրամանյանի հանդիպման մասին Արցախի տեղեկատվական շտաբը հարկ է համարում տեղեկացնել»: