Ներսից կոչնչանա ամեն բան. Զախարովան՝ Ուկրաինայի ԵՄ անդամակցության ռիսկերի մասին

Ուկրաինայի հնարավոր անդամակցությունը Եվրամիությանը կարող է լուրջ ներքին խնդիրներ ստեղծել միության համար, հայտարարել է ՌԴ ԱԳՆ ներկայացուցիչ Մարիա Զախարովան՝ իր գնահատականը ներկայացնելով «ՌԻԱ Նովոստի»-ին տված հարցազրույցում։ Նրա խոսքով՝ նման քայլը սպառնում է խորացնել արդեն գոյություն ունեցող դժվարությունները, որոնք ԵՄ երկրները փորձում են հաղթահարել վերջին տարիներին։

Զախարովան նշել է, որ փորձագիտական շրջանակներում այս տեսակետը լայնորեն տարածված է։ Նրա գնահատմամբ՝ Ուկրաինայի միացումը միությանը կարող է պահանջել այնպիսի ծավալի ֆինանսական և վարչական ռեսուրսներ, որոնք կդառնան հավելյալ ծանրություն ԵՄ անդամների վրա։

Նրա խոսքով՝ նույնիսկ եվրոպական երկրներում են սկսում քննարկել այդ հնարավոր բեռը։ Զախարովան ընդգծել է, որ Կիևի անդամակցության հարցը ոչ միայն քաղաքական որոշում է, այլ նաև խորքային տնտեսական ու կառավարչական հետևանքներ ունեցող գործընթաց, որը կարող է փոխել միության ներքին հավասարակշռությունը։