Լավ կլինի և՛ Ռուսաստանի, և՛ Ուկրաինայի համար․ Սպիտակ տունը՝ խաղաղության ծրագրի մասին
Սպիտակ տան գնահատմամբ՝ խաղաղության նոր ծրագիրը «լավ է և՛ Ռուսաստանի, և՛ Ուկրաինայի համար»։ Վաշինգտոնի կարծիքով այն պետք է ընդունելի լինի երկու կողմերի համար, և բանակցությունները շարունակվում են։
Հայտարարությունում նշվել է. «Թրամփն աջակցում է Ուկրաինայում նոր խաղաղության ծրագրին։ Հակամարտությունը կլուծվի՝ չնայած կասկածներին»։
Ավելի վաղ Ուկրաինայի նախագահի գրասենյակը հայտնել էր, որ Վլադիմիր Զելենսկին ստացել է ամերիկյան կողմից կազմված խաղաղության ծրագրի նախագիծը, որը կքննարկվի Դոնալդ Թրամփի հետ։
Հիշեցնենք՝ Axios պորտալի պնդմամբ՝ ԱՄՆ վարչակազմը Ուկրաինային և եվրոպական պետություններին հայտնել է, որ առաջարկվող կարգավորման պլանը մշտապես թարմացվում է և հաշվի է առնում նրանց առաջարկներն ու դիրքորոշումները:
