Ես մեծ հպարտությամբ կվերացնեմ նրանց թմրանյութերի լաբորատորիաները. ԱՄՆ նախագահ

ԱՄՆ նախագահ Դոնալդ Թրամփը հայտարարել է, որ հպարտությամբ կոչնչացներ Կոլումբիայում թմրանյութերի արտադրության գործարանները, սակայն հրաժարվել է հաստատել, որ դա կանի: Այս մասին հայտնում է «Ռիա Նովոստի»-ն:

«Ես կկործանեի այդ գործարանները։ Ես հպարտ կլինեի դա անել: Ես չեմ ասում, որ դա կանեմ, բայց ես հպարտ կլինեմ դա անել, քանի որ այդպես մենք միլիոնավոր կյանքեր կփրկենք», - ասել Է Թրամփը:

Հավելենք՝ ԱՄՆ նախագահ Դոնալդ Թրամփը հաստատել է Վենեսուելայի նախագահ Նիկոլաս Մադուրոյի հետ խոսելու իր պատրաստակամությունը՝ Վենեսուելայի դեմ ԱՄՆ-ի հնարավոր հարվածների մասին լրատվամիջոցներում տարածված հաղորդագրությունների ֆոնին։