Թրամփը իսկապես արժանի է Նոբելյան խաղաղության մրցանակի․ Ալիև
ԱՄՆ նախագահ Դոնալդ Թրամփը իսկապես արժանի է Նոբելյան խաղաղության մրցանակի։ Այս մասին հայտարարել է Ադրբեջանի նախագահ Իլհամ Ալիևը «Ալ Արաբիա» հեռուստաալիքին տված բացառիկ հարցազրույցում։
Ալիևը շեշտել է, որ Թրամփը «հրաշք է գործել Աֆրիկայում, Ասիայում և Հարավային Կովկասում» և նշել է ԱՄՆ նախագահի բարյացակամությունն ու առատաձեռնությունը. «Եվ սա նրա բնավորությունն է, սա նրա բնույթն է։ Նա խաղաղություն է ուզում։ Նա իսկապես մեծ հարգանքի արժանի մարդ է»։
Ալիևը նաև նշել է, որ Թրամփի նկատմամբ իր վերաբերմունքը միշտ դրական է եղել. «Իմ վերաբերմունքը որպես քաղաքական գործչի նրա նկատմամբ միշտ դրական է եղել, նույնիսկ նրա առաջին ժամկետի ընթացքում, չնայած մենք այդ ժամանակ հնարավորություն չունեցանք հանդիպելու»։
