Սաակաշվիլիի կյանքը շատ կարևոր և արժեքավոր է Կիևի համար. Միխայիլ Պոդոլյակ

Մենք դիմում ենք Վրաստանի կառավարությանը խնդրանքով` տալ մեզ հնարավորություն Սաակաշվիլիին տեղափոխել, եթե ոչ Ուկրաինա, ապա այլ երկիր բուժման նպատակով: Այս մասին հայտնել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը։

Նրա խոսքով Սաակաշվիլիի հարցը մնում է Ուկրաինայի օրակարգում և ակտիվ քննարկվում է միջազգային գործընկերների հետ:

Պոդոլյակը նշել է, որ Ուկրաինան պատրաստ է օգտագործել ցանկացած իրավական բանաձև, եթե դա թույլ կտա լուծում գտնել, և ընդգծել է, որ Սաակաշվիլիի կյանքը շատ կարևոր և արժեքավոր է Կիևի համար։