ԵՄ-ն կանցկացնի արտակարգ գագաթնաժողով Ուկրաինայի հարցով

ԵՄ-ի արտակարգ գագաթնաժողովը, որը նվիրված կլինի ուկրաինական կարգավորման թեմային, կանցկացվի նոյեմբերի 24-ին Անգոլայի մայրաքաղաք Լուանդայում։ Այս մասին հայտարարել է Եվրոպական խորհրդի նախագահ Անտոնիու Կոշտան։

Կոշտան X սոցիալական հարթակում գրել է, որ հրավիրել է ԵՄ-ի 27 անդամ երկրների ղեկավարներին Ուկրաինայի հարցով հատուկ գագաթնաժողովի։ 

Հավելենք՝ Կոշտան Եվրահանձնաժողովի նախագահ Ուրսուլա ֆոն դեր Լեյենի և G7-ի մի շարք երկրների ղեկավարների հետ Հարավային Աֆրիկայում տեղի ունեցած G20-ի գագաթնաժողովի ընթացքում քննարկել է ԱՄՆ-ի կողմից առաջարկված ծրագիրը Ուկրաինայի վերաբերյալ։

Reuters-ի տվյալներով՝ քննարկմանը մասնակցել են նաև Ֆինլանդիայի, Նորվեգիայի, Իսպանիայի և Նիդեռլանդների ղեկավարները։ Բանակցություններից հետո հրապարակված համատեղ հայտարարությունում նշվել է, որ ԱՄՆ-ի ներկայացրած ծրագիրը կարող է դիտարկվել որպես կարգավորման հիմք, սակայն որոշ կետեր պետք է փոփոխվեն: