ԱՄՆ-ն կաջակցի Իսրայելին «Հեզբոլլահի» հետ հակամարտության դեպքում. CNN

ԱՄՆ իշխանությունների ներկայացուցիչները հավաստիացրել են Իսրայելին, որ նրան օգնություն կցուցաբերեն շիական «Հըզբոլլահ» շարժման դեմ լայնամասշտաբ պատերազմ սկսելու դեպքում: Ընդ որում, Վաշինգտոնը ամերիկյան զորքեր չի ուղարկի հակամարտության գոտի, հայտնում է CNN հեռուստաընկերությունը՝ վկայակոչելով ԱՄՆ վարչակազմում իր աղբյուրին:


Նրա տվյալներով՝ ամերիկացի բարձրաստիճան պաշտոնյաների, այդ թվում՝ պետքարտուղար Էնթոնի Բլինքենի զրույցը իսրայելական պատվիրակության անդամների հետ տեղի է ունեցել այս շաբաթ Վաշինգտոնում:



Ամերիկյան իշխանությունների գնահատականներով, եթե «Հըզբոլլահ»-ի զինյալներն ավելի մասշտաբային հարձակումներ սկսեն Իսրայելի վրա, հրեական պետությունը կարող է ուժային պատասխան տալ: Ուստի, հանդիպմանը քննարկվել են նաև լարվածության թուլացման հնարավորությունները։


Քաղաքականություն

Պատահարներ