«Հաղթանակ» դաշինքի անդամների և կողմնակիցների տներում խուզարկություններից հետո 10 անձ ձերբակալվել է
«Հաղթանակ» դաշինքի անդամների և կողմնակիցների տներում կատարված խուզարկություններից հետո 10 անձ ձերբակալվել է, հայտնում է «Իշխանություն» լրատվականը։
Նշվում է, որ մի շարք անձանց գաղտնալսել են, մեղադրանքի հիմքում դրել այնպիսի խոսակցություններ, որոնք կենցաղային բնույթի են և կապ չունեն նախընտրական գործընթացների հետ:
Ավելի վաղ հայտնել էինք՝ Վաղարշապատ համայնքի ընտրություններում ձայների քանակով երկրորդ տեղում գտնվող «Հաղթանակ» դաշինքի առաջնորդների, կողմնակիցների և անդամների տներում խուզարկություններ են։
Հակակոռուպցիոն կոմիտեից էլ նշել էին, թե գործողություններն իրենց կողմից քննվող քրեական վարույթների շրջանակներում են։
