«Զանգեզուրի միջանցք»-ը դիտվում է որպես ռազմավարական շղթայի մաս․ Ժապարով

Ղրղզստանի նախագահ Սաադիր Ժապարովը հայտարարել է, որ տարածաշրջանում ձևավորվող նոր հաղորդակցային ուղիները կարող են փոխել առկա լոգիստիկ համակարգը։ Նրա խոսքով՝ Չինաստան-Ղրղզստան-Ուզբեկստան երկաթուղու կառուցումը նախատեսվում է որպես լայնածավալ նախագիծ, որը կկրճատի ճանապարհը դեպի ասիական և եվրոպական շուկաներ՝ ապահովելով ավելի արագ և ուղիղ փոխադրումներ։

Ժապարովը նշել է, որ այս նախագծին զուգահեռ դիտարկվում է նաև «Զանգեզուրի միջանցք»-ի շինարարությունը, որը, ըստ նրա, կարող է դառնալ նշված երկաթուղու տրամաբանական շարունակություն։ Նա ընդգծել է, որ նոր երթուղիները հնարավորություն կտան տարածաշրջանի երկրներին ընդլայնել տնտեսական կապերը և բարձրացնել հաղորդակցական կարողությունները։

Նախագահի ըստ՝ զարգացող ենթակառուցվածքը տարածաշրջանի համար կարևոր քայլ է՝ ուղղված փոխադրումների արդյունավետացմանը և միջազգային շուկաներ դուրս գալու նոր հնարավորությունների ստեղծմանը։