ԱԳՆ-ն՝ Թուրքիային Արաքսի նախագծի ծանուցման պատճառների մասին

Հայաստանի Արտաքին գործերի նախարարությունը Sputnik Արմենիայի հարցմանը պատասխանելով՝ պարզաբանել է, թե ինչու է Երևանը Թուրքիային ներկայացնում Արաքսի ափին նախատեսվող ամբարտակի նախագիծը, երբ գործող պայմանագրով պահանջվում է միայն ժամանակին հաղորդել շինարարության մասին։

Ավելի վաղ նշվել էր, որ շուրջ մեկուկես տարի Հայաստանը Թուրքիայի հետ քննարկում է Արաքսի ափին ամբարտակի կառուցման հարցը, թեև սահմանային գետերի վերաբերյալ կոնվենցիան «համաձայնեցում» չի նախատեսում։ 

ԱԳՆ-ից հայտնել են, որ ՀՀ-ն պայմանագրային դրույթների շրջանակում տեղեկացրել է Թուրքիային իրականացվող ամրակայման աշխատանքների մասին։

«Միաժամանակ, ըստ անհրաժեշտության, կողմերի միջև լինում են շփումներ և խորհրդակցություններ»,– նշել են գերատեսչությունում։

Նշենք, որ ՏԿԵ նախարարությունը նախկինում խոսել էր ոչ թե «ծանուցման», այլ հենց «համաձայնեցման» գործընթացի մասին՝ ընդգծելով, որ ԱԳՆ–ի միջնորդությամբ շարունակվում է նախագծային փաստաթղթերի քննարկումը թուրքական կողմի հետ։ Նման պատասխան տրված էր նաև անցյալ ամռանը։

Առավել մանրամասն՝ սկզբնաղբյուրում։