Ուկրաինացի ժողովուրդը կարող է դա անել. Մեդվեդևը՝ Զելենսկիին տապալելու մասին
Ուկրաինացի ժողովուրդը կարող է ինքնուրույն տապալել նախագահ Վլադիմիր Զելենսկուն, քանի որ «հոգնել է Բանդերայի կլիկայից»։ Այս մասին լրագրողների հետ հանդիպման ժամանակ հայտարարել է Ռուսաստանի Անվտանգության խորհրդի ղեկավարի տեղակալ և «Միացյալ Ռուսաստան» կուսակցության նախագահ Դմիտրի Մեդվեդևը, հաղորդում է ՌԻԱ Նովոստին։
Քաղաքական գործչի խոսքով՝ Ուկրաինայի ներկայիս կառավարությունը «թարախակույտ» է, որը, ի վերջո, կվերացվի։ Մեդվեդևը վստահություն է հայտնել, որ ուկրաինական հասարակությունը կարող է այս խնդիրը իր ձեռքը վերցնել։
«Այս թարախակույտը, որը ձևավորվել է Եվրոպայում և որն, ի վերջո, օգտագործվում է մեր դեմ, կվերացվի... ուկրաինացի ժողովուրդը նույնպես կարող է դա անել», - հայտարարել է Մեդվեդևը։
