Սիյարտոն ԵՄ-ին անվանել է Ուկրաինայի կոռուպցիայի ֆինանսիստ
Հունգարիայի արտգործնախարար Պետեր Սիյարտոն կոշտ քննադատությամբ է դիմել Եվրամիությանը՝ հայտարարելով, որ ԵՄ-ն դարձել է «ուկրաինական կոռուպցիայի գլխավոր ֆինանսիստը»։ Այս մասին Սիյարտոն գրել է սոցիալական ցանցերում՝ մեղադրելով Բրյուսելին՝ Կիևին անվերահսկելի ֆինանսական աջակցություն տրամադրելու մեջ։
Նրա խոսքով՝ արդեն երկար տարիներ ուկրաինական պետության գործունեությունը ֆինանսավորվում է եվրոպական քաղաքացիների հարկերով։
Սիյարտոն հավելել է, որ Ուկրաինայում կոռուպցիան դուրս է եկել վերահսկողությունից, ինչի պատճառով «ոչ ոք չի տեսնում հստակ հաշվետվություն, թե իրականում ինչի վրա են ծախսվում ԵՄ միջոցները»։
Սիյարտոն քննադատել է նաև Բրյուսելի մտադրությունը՝ շարունակել ֆինանսական աջակցությունը Կիևին։
«Ուկրաինային էլ ավելի շատ գումար ուղարկեք՝ Զելենսկուն, որի մերձավոր շրջապատին հենց նոր բացահայտեցին խոշոր կոռուպցիոն ցանց ստեղծելու մեջ»,- գրել է նա։
