Ժամանակավոր պաշտպանության վկայականների վավերականությունը կերկարաձգվի ավտոմատ կերպով

Միգրացիայի և քաղաքացիության ծառայությունը տեղեկացնում է, որ ՀՀ Կառավարության 2024 թ․ հոկտեմբերի 17-ի 1649-Ն որոշմամբ ժամանակավոր պաշտպանության վկայականների վավերականության ժամկետը կերկարաձգվի ավտոմատ կերպով։ Ժամկետների երկարաձգումը կիրականացվի անմիջապես՝ Կառավարության համապատասխան որոշման ընդունումից հետո՝ առանց շահառուների լրացուցիչ գործողությունների։

Միևնույն ժամանակ ընդգծվում է, որ ՀՀ սահման հատելիս ԺՊ վկայականի առկայությունը պարտադիր չէ, և մուտքի գործընթացը պայմանավորված չէ դրա առկայությունից։

Ծառայության պարզաբանմամբ՝ եթե ԺՊ վկայական ստանալուց հետո անձը փոխել է իր անձնագիրը (կորուստ, ժամկետի լրացում կամ վնասում), ապա անհրաժեշտ է կրկին դիմել նոր ժամանակավոր պաշտպանության վկայական ստանալու համար, քանի որ այն տրվում է միայն գործող և վավեր անձնագրի հիման վրա։