Զելենսկիին խնդրել եմ, որ Ուկրաինայից երիտասարդները չգան Գերմանիա. Մերց

Գերմանիայի կանցլեր Ֆրիդրիխ Մերցը հայտարարել է, որ հինգշաբթի Ուկրաինայի նախագահ Վլադիմիր Զելենսկուն ասել է, որ ավելի քիչ ուկրաինացի երիտասարդներ պետք է Գերմանիա գան որպես փախստական, հաղորդում է AFP-ն։

«Ես Ուկրաինայի նախագահին խնդրել եմ ապահովել, որ Ուկրաինայից երիտասարդները չգան Գերմանիա ավելի ու ավելի մեծ թվով, այլ ծառայեն իրենց երկրում։ Նրանք այնտեղ անհրաժեշտ են»,-ասել է Մերցը։

Մերցը նաև հայտարարել է, որ Գերմանիայի սոցիալական ապահովագրության կանոնակարգերը շուտով այնպես կփոխվեն, որ կրճատվեն ուկրաինացի փախստականներին տրվող վճարումները և «այդպիսով նրանց համար ավելի շատ խթաններ կստեղծվեն աշխատանք գտնելու համար։

«Այս փախստականների համար նախատեսված նպաստները կկառուցվեն այնպես, որ աշխատելու խթանները գերազանցեն սոցիալական ապահովագրության համակարգում մնալու խթաններին»,- ասել է նա։