Դիմել եմ ու դիմելու եմ իրավապահներին. Ալեն Սիմոնյան
Խոսելով «Իմնեմնիմի» փոդքասթի հեղինակներ Վազգեն Սաղաթելյանի և Նարեկ Սամսոնյանի մասին, լրագրողների հետ զրույցում Ալեն Սիմոնյանը հայտարարեց՝ լավ է արել, որ դիմել է իրավապահներին։
«Դիմել եմ ու դիմելու եմ, լավ եմ արել, բա ի՞նչ պետք է անեի։ Այո՛, օրենքով պատժվելու են բոլոր նրանք, ովքեր խուլիգանություն կանեն, կհնչեցնեն սպառնալիքներ, ոչ մի զարմանալու բան չկա, մի՛ զարմացեք»,- ասաց նա։
Սիմոնյանը նաև ընդգծեց՝ Հայաստանում պետք է այլ հասարակարգ լինի։
