Հայաստանում ոչ միայն ժողովրդավարության նշույլ չկա, այլ իրավական պետությունը ոտնահարվում է. Արծվիկ Մինասյան
Պետք է արձանագրել, որ ժողովրդավարական բաստիոն հայտարարված Հայաստանում ոչ միայն ժողովրդավարության նշույլ չկա, այլ իրավական պետությունը հիմնավորապես ոտնահարվում և արհամարվում է: Այս մասին ԱԺ 8-րդ գումարման 10-րդ նստաշրջանի նիստի ժամանակ հայտնել է «Հայաստան» խմբակցության քարտուղար Արծվիկ Մինասյանը:
Ընդդիմադիր պատագամավորը նշել է, որ ՀՀ-ում ապօրինի քաղաքական հետապնդումների թիվը չափազանց շատ է:
«Քաղաքական հետապնդումներով կալանավորվածներից բացի, կան նաև ոչ նաև ապօրինի քրեական հետապնդումներ: Այս թիվը չափազանց մեծ է, մարդիկ քաղաքական հետապնդման են ենթարկվում աջակցության համար, իրենց արժանապատվության համար:
Չպետք է ընկճվել, պետք է պայքարել, որովհետև այս իշխանությունների հեռացման համար մեզնից պահանջվում է համախմբում: Հանուն Հայաստանի Հարնապետության, հանուն հայ ժողովրդի իրավունքների պաշտպանության, մենք պետք է կարողանանք ոչ միայն հեռացնենք այս իշխանություններին, այլ նաև վերացնենք քաղաքական հետապնդումների արատավոր այս շղթան»,- ասել է Մինասյանը:
