ՌԴ ԱՀԾ տվյալները երբեք անհիմն չեն. Պեսկովը՝ մեկնաբանել է Փաշինյանի հայտարարությունը
Ռուսաստանի նախագահի մամուլի քարտուղար Դմիտրի Պեսկովը արձագանքել է այն տեղեկությանը, թե Հայաստանը պատրաստվում է Ուկրաինայից գնել թանկարժեք հացահատիկ։ Պեսկովը շեշտել է, որ Ռուսաստանի արտաքին հետախուզության ծառայության (ՍՎՌ) տվյալները երբեք չեն լինում «անհիմն»։
Ավելի վաղ Ռուսաստանի արտաքին հետախուզության ծառայությունը հայտնել էր, թե Հայաստանի իշխանությունները նախատեսում են գնել հացահատիկ Ուկրաինայից։ Այս տեղեկությունը կարճ ժամանակ անց կտրականապես հերքեց Հայաստանի վարչապետ Նիկոլ Փաշինյանը՝ հայտարարելով, որ նման պայմանավորվածություն գոյություն չունի։
ՌԴ նախագահի մամուլի խոսնակ Դմիտրի Պեսկովը, մեկնաբանելով Փաշինյանի հայտարարությունը, նշեց․
«ՌԴ ԱՀԾ-ի տեղեկությունները երբեք չեն լինում անհիմն։ Դրանք միշտ հիմնված են ստուգված տվյալների վրա»,- ասաց Պեսկովը՝ ընդգծելով, որ Մոսկվան վստահում է իր հատուկ ծառայությունների գնահատականներին։
