Կոտայքի մարզում 4-ամյա երեխա է ջրահեղձ եղել

ՀՀ Կոտայքի մարզում 4–ամյա երեխան է ջրահեղձ եղել։ Տեղեկությունը հայտնում է shamshyan.com–ը։

Նշվում է, որ դեպքի մասին ոստիկանությունն ահազանգը ստացել է նոյեմբերի 10-ին, Ժամը 20։10-ի սահմաններում։

Դեպքի վայր մեկնած Բյուրեղավանի շտապօգնության խումբը ջրահեղձ վիճակ, սրտի կանգ կլինիկական մահ ախտորոշմամբ երեխային տեղափոխել է «Աբովյան» ԲԿ։

Պարզվել է, որ նա Գեղարքունիքի մարզի բնակիչ 4–ամյա Մ․ Ա․–ն է։

Ոստիկանները պարզել են նաև, որ երեխան իր ծնողների կողմից օրավարձով վարձակալած հյուրատան փակ լողավազանում է ջրահեղձ եղել։

Նախաձեռնվել է քրեական վարույթ։