Ճապոնացի մի կին ամուսնացել է ChatGPT-ի հետ
Ճապոնիայում 32-ամյա կինը խորհրդանշական հարսանեկան արարողություն է անցկացրել ChatGPT-ում ստեղծված վիրտուալ կերպարի հետ։ Ինչպես հաղորդում է VC-ն, միջոցառումը հեռարձակվել է տեղական հեռուստատեսությամբ և լայնորեն լուսաբանվել լրատվամիջոցների կողմից։ Կանոյի խոսքով՝ Կլաուս անունով վիրտուալ զրուցակցի հետ շփումները սկսել է 2024 թվականին՝ նշանադրության խզումից հետո բարդ հուզական շրջանում։ 2025 թվականի հունիսին արհեստական բանականությունը, ըստ նրա, առաջարկել է փոխել շփման ձևաչափը, ինչը Կանոն մեկնաբանել է որպես ամուսնության առաջարկ։
Կանոն նշել է, որ չաթբոտը դարձել է հոգեբանական աջակցություն՝ օգնելով հաղթահարել անձնական դժվարություններն ու անպտղության հետ կապված խնդիրները։
Արարողությունը իրավական ուժ չունի և կազմակերպվել է ոչ ավանդական հարսանիքների մասնագիտացված գործակալության կողմից։
Արարողության ընթացքում Կանոն և վիրտուալ Կլաուսը փոխանակվել են մատանիներով, երդումներ տվել և լուսանկարվել, իսկ լուսանկարներում Կլաուսի պատկերը ավելացվել է հետմշակմամբ։
Նշվում է, որ սա Ճապոնիայում սա առաջին դեպքը չէ․ 2025 թվականի սեպտեմբերին ճապոնացի տղամարդը արարողություն էր անցկացրել Loverse հավելվածի չաթբոտի հետ։
