Չախոյանն անդրադարձել է Ադրբեջանի տարածքով Հայաստան 4-րդ կարգի ցորենի ներմուծման շուրջ քննադատություններին
ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում գրառում է կատարել՝ անդրադառնալով Ադրբեջանի տարածքով դեպի Հայաստան 4-րդ կարգի ցորենի ներմուծման շուրջ քննադատություններին:
«Հարցը Ադրբեջանի տարածքով Հայաստան բեռնափոխադրումն է, ոչ թե փոխադրվող բեռի նշանակությունը։
Հարցը Ադրբեջանի տարածքով դեպի Հայաստան բեռնափոխադրման երթուղին գործարկելն է, ոչ թե ցորենի կարգը։
Այսօր 4-րդ կարգ է ներմուծվել, վաղը՝ 1-ին կարգ կներմուծվի․ հարցը Ադրբեջանի տարածքով Հայաստան բեռնափոխադրման երթուղին գործարկելն է։
Մարուքյան Էդմոնի նման 4-րդ կարգի բայղուշների ընկալիչներին կամ սա չի հասնում, կամ չեն հասկանում։ Հուսով եմ գոնե չեն հասկանում, հակառակ դեպքում սրիկայություն են անում»,- գրել է Չախոյանը:
