Վենեսուելայի նախագահի պաշտոնակատարը հանդես է եկել հայտարարությամբ

Վենեսուելան պետք է զարգացնի և պահպանի հարաբերություններ իր կիսագնդի բոլոր երկրների, ինչպես նաև Ասիայի, Աֆրիկայի, Մերձավոր Արևելքի և Եվրոպայի հետ։ Այդ մասին հայտարարել է երկրի նախագահի պաշտոնակատար Դելսի Ռոդրիգեսը՝ խորհրդարանի պատգամավորների հետ հանդիպման ընթացքում։

Նրա խոսքով՝ ներկայում Վենեսուելայի արտահանման 71 տոկոսը կենտրոնացած է ընդամենը ութ երկրի վրա, որոնցից 27 տոկոսը բաժին է ընկնում Միացյալ Նահանգներին։ Ռոդրիգեսը նշել է, որ այդ ցուցանիշները վկայում են արտաքին առևտրի կառուցվածքի մասին, սակայն միաժամանակ ընդգծել է տարբեր շուկաների հետ համագործակցության կարևորությունը։

Նրա գնահատմամբ՝ Վենեսուելայի տնտեսական և աշխարհաքաղաքական հարաբերությունները պետք է լինեն բազմակողմ և հավասարակշռված։ Նրա խոսքով՝ արտահանման և արտաքին կապերի դիվերսիֆիկացիան բնական և ճիշտ մոտեցում է երկրի զարգացման համար։

Ռոդրիգեսը վերահաստատել է, որ Վենեսուելան ձգտում է համագործակցության տարբեր տարածաշրջանների երկրների հետ՝ անկախ քաղաքական կամ աշխարհագրական գործոններից։ Նրա հայտարարության համաձայն՝ նման քաղաքականությունը նպատակ ունի ամրապնդել երկրի դիրքերը միջազգային հարթակում և ապահովել կայուն տնտեսական հարաբերություններ։