Արհեստական բանականությունը ցույց է տվել՝ ինչպիսին կլիներ Քիմ Քարդաշյանը առանց միջամտությունների

Daily Mail-ի փոխանցմամբ՝ արհեստական բանականությունը վերլուծել է Քարդաշյանի երիտասարդության լուսանկարները և կանխատեսել նրա արտաքին տեսքը 45 տարեկանում՝ առանց որևէ միջամտության։ Ստացված արդյունքները զգալիորեն տարբերվել են նրա ներկայիս կերպարից։

Քարդաշյանը բազմիցս նշել է, որ երբեք չի արել պլաստիկ վիրահատություն, սակայն խոստովանել է, որ օգտագործել է բոտոքս։

«Ես նախկինում փորձել եմ բոտոքս։ Դա է այն ամենը, ինչ արել եմ»,– ասել է նա։

Նա հերքել է ինչպես քթի պլաստիկայի, այնպես էլ լցոնիչների և իմպլանտների կիրառման մասին լուրերը՝ ընդգծելով, որ օգտագործում է միայն մաշկի խնամքի և լազերային բուժման ոչ ինվազիվ միջոցներ։

Քարդաշյանը նաև հայտնել է, որ ժամանակին փորձել է «վամպիրի դիմակը»՝ սեփական արյան պլազմայով բուժում, սակայն հետագայում հրաժարվել է դրանից՝ այն համարելով չափազանց ցավոտ։