Նրանք նոր մեղադրանքների տեղ չեն թողել․ Զախարովան՝ Թրամփի ելույթի խեղաթյուրումների մասին
Ռուսաստանի ԱԳՆ պաշտոնական ներկայացուցիչ Մարիա Զախարովան մեկնաբանել է Բրիտանիայի BBC հեռուստառադիոկորպորացիայի ղեկավարի հրաժարականը՝ այն կապված է Դոնալդ Թրամփի ելույթի խեղաթյուրումների հետ։
«Նրանք նոր մեղադրանքների տեղ չեն թողել»,– ասել է Զախարովան «Взгляд» պարբերականին տված մեկնաբանության մեջ։
Զախարովայի խոսքով՝ BBC-ն և այլ արևմտյան լրատվամիջոցներ բազմիցս ստեղծել են կեղծ նյութեր տարբեր թեմաներով։ Նա նշել է, որ այդ լրատվամիջոցները «հորինել են պատմություններ Սոչիի Օլիմպիադայից առաջ Ռուսաստանի երկրպագուների մասին, տարածել են ապատեղեկատվություն Սիրիայի իրադարձությունների շուրջ և ակտիվորեն շահարկել Սկրիպալների գործը»։
Զախարովան ընդգծել է, որ նման հրապարակումները խարխլում են լրատվական վստահությունը և վկայում տեղեկատվական մանիպուլյացիաների համակարգված կիրառման մասին։
