Աշխարհը վախենում է Թրամփից. Զելենսկի
Աշխարհում բոլորը վախենում են Դոնալդ Թրամփից, հայտարարել է Ուկրաինայի նախագահ Վլադիմիր Զելենսկին The Guardian-ին տված հարցազրույցի ժամանակ։
Լրագրողի հարցին, թե արդյոք ինքը վախենում է ԱՄՆ նախագահից, Զելենսկին պատասխանել է, որ թշնամիները պիտի վախենան, իսկ իրենք թշնամիներ չեն։ Նա հավելել է, որ բրիտանական միապետ Չարլզ III-ն օգնել է իրեն կապեր հաստատել Թրամփի հետ՝ նրան բնութագրելով որպես Ուկրաինայի ակտիվ կողմնակից։
«Մենք Ամերիկայի թշնամիները չենք։ Մենք ընկերներ ենք։ Ուրեմն ինչի՞ց պետք է վախենանք»,- ասել է Զելենսկին։
Ուկրաինայի նախագահը Միացյալ Նահանգներն անվանել է իր երկրի երկարաժամկետ ռազմավարական գործընկեր՝ ընդգծելով, որ Վաշինգտոնը և Կիևը կիսում են ընդհանուր արժեքներ՝ ի տարբերություն Ռուսաստանի։
