«Նախկինում գիտեինք, որ այն Սաշիկ Սարգսյանինն է. հիմա ո՞վ է ստում». Ռուբեն Գրձելյան
«Հարավկովկասյան երկաթուղի» ընկերության մամուլի քարտուղար Ռուբեն Գրձելյանը ֆեյսբուքյան իր էջում գրել է.
«Հիմա ո՞վ է ստում՝ նախկին ընդդիմությունը, թե՞ հիմիկվա իշխանությունը: Այդպես էլ չհասկացանք՝ տեխնիկական միջոցներով ճանապարհային երթևեկության վերահսկողությունն իրականացնող ընկերության առեղծվածը: Նախկինում գիտեինք, որ այն Սաշիկ Սարգսյանինն է: Համենայն դեպս, նախկին ընդդիմությունը պնդում էր, որ 99%-ով տենց է:
Հիմա նույն նախկին ընդիմության ներկայացուցիչ, ՃՈ պետի նախկին տեղակալ և այժմյա ՀՀ ԱԺ «Իմ քայլը» պատգամավոր Արմեն Խաչատրյանը պնդում է, որ այդ համակարգը միշտ էլ պետական է եղել»:
