«Մենք ՀԱՊԿ-ում ավելի շատ ընկերներ ունենք, քան Հայաստանը»․ Ալիև
Ադրբեջանի նախագահ Իլհամ Ալիևը հայտարարել, որ իրենք ՀԱՊԿ-ում ավելի շատ ընկերներ ունեն, քան Հայաստանը։ Նրա խոսքով, դրա պատճառը Ադրբեջանի վարած արտաքին քաղաքականությունն է, որն ապացուցել է, որ վստահելի գործընկեր է։
«Ինչո՞ւ է Հայաստանի նկատմամբ վերաբերմունքը բացասական, որովհետև ամեն տեղ ստում են»,- նշել է Ադրբեջանի դիկտատորը, որը խոսում է ստելուց, սակայն խաղաղության հարցով իր որևէ պայմանավորվածություն ճշգրիտ չի կատարում:
«Նույնիսկ այն կազմակերպություններում, որոնց անդամ չենք, շատ ընկերներ ունենք։ Օրինակ՝ Հավաքական անվտանգության պայմանագրի կազմակերպությունը։ Մենք ՀԱՊԿ անդամ չենք, Հայաստանն է այս կազմակերպության անդամ, և այդ կազմակերպության միջոցով նա մտադիր էր անհիմն պահանջներ ներկայացնել Ադրբեջանին։ Հայաստանն իրականում ցանկանում էր իր մաս կազմող երկրներին Ադրբեջանի դեմ մղել».-ասել է Ալիևը:
