Թրամփը կոշտ քննադատությամբ է հանդես եկել
ԱՄՆ նախագահ Դոնալդ Թրամփը կոշտ քննադատությամբ է հանդես եկել երկրի ներկայիս առողջապահական համակարգի հասցեին՝ այն անվանելով «աշխարհում ամենավատը»։ Թրամփը իր հրապարակման մեջ նշել է, որ կառավարությունը պետք է փոխի ֆինանսավորման ձևաչափը՝ միլիարդավոր դոլարներ ուղղելով ոչ թե ապահովագրական ընկերություններին, այլ անմիջապես քաղաքացիներին։
Նրա խոսքով՝ ներկայումս հարյուրավոր միլիարդավոր դոլարներ հատկացվում են այն ապահովագրական ընկերություններին, որոնք օգտվում են Obamacare ծրագրից՝ չապահովելով բավարար որակի բուժօգնություն։ Թրամփը վստահեցրել է, որ այդ միջոցները քաղաքացիներին տրամադրելու դեպքում նրանք կարող են ձեռք բերել ավելի լավ առողջապահական ծառայություններ։
Թրամփի հայտարարությունը տեղ է գտել նրա սոցիալական ցանցի պաշտոնական էջում՝ առաջացնելով լայն արձագանք ամերիկյան քաղաքական շրջանակներում։
