Միքայել Հարությունյանը կրկին իրավապահների ուշադրության կենտրոնում է՝ նոր մեղադրանքով
Պաշտպանության նախկին նախարար Միքայել Հարությունյանի նկատմամբ կրկին հետախուզում է հայտարարվել։ Այս մասին տեղեկացնում է «Լուրերը»։
Ըստ հաղորդագրության՝ նախկին բարձրաստիճան պաշտոնյան այս անգամ մեղադրվում է պաշտոնեական լիազորությունները չարաշահելու մեջ։ Մեղադրանքի համաձայն՝ պաշտոնավարման տարիներին նա բնակարան է հատկացրել Մանվել Գրիգորյանի եղբորորդուն, որը զբաղեցրել է 3-րդ բանակային կորպուսի հրամանատարի տեղակալի պաշտոնը։
Քննության տվյալներով՝ նշված անձը մինչ այդ արդեն ստացել էր 10 միլիոն դրամ՝ բնակարան ձեռք բերելու նպատակով, սակայն կրկնակի բնակարանային աջակցության տրամադրումն իրականացվել է Միքայել Հարությունյանի որոշմամբ։
