Սպիտակ տանը քննարկվել է Թրամփ–Պուտին հանդիպման թեման
ԱՄՆ նախագահ Դոնալդ Թրամփը հայտնել է, որ Հունգարիայի վարչապետ Վիկտոր Օրբանի հետ քննարկել է Ռուսաստանի նախագահ Վլադիմիր Պուտինի հետ հնարավոր հանդիպման հարցը։ Այս մասին նա հայտարարել է Սպիտակ տանը՝ Օրբանի հետ կայացած հանդիպման ընթացքում։
«Մենք այս թեմայով խոսել ենք Վիկտորի հետ, սակայն մանրամասները կներկայացնենք ավելի ուշ։ Մենք քննարկել ենք Պուտինի հետ հանդիպման հնարավորությունը»,– նշել է Թրամփը։
Թրամփը և Օրբանը վերջին շրջանում մի շարք հայտարարություններ են արել Ուկրաինայի պատերազմի և խաղաղության նախաձեռնությունների վերաբերյալ։ Նրանց երկուստեք շեշտում են, որ կարևորում են դիվանագիտական ուղիները և շփումները տարբեր կողմերի միջև։
