Մայր Աթոռը հայտարարություն է տարածել
Ավարտվել է Գերագույն հոգևոր խորհրդի ժողովը։ Մայր Աթոռի տեղեկատվական համակարգը հայտարարություն է տարածել:
«Խորհուրդը խստորեն դատապարտել է Եկեղեցու և եկեղեցականների իրավունքների նկատմամբ իրականացվող ապօրինի գործողությունները, ինչպես նաև հակաեկեղեցական հռետորաբանությամբ ատելության խոսքի և անհանդուրժողականության տարածումը։ Ըստ խորհրդի՝ նման երևույթները խաթարում են խղճի և խոսքի ազատության սկզբունքը, ինչպես նաև հանրային համերաշխությունը։
Արձանագրվել է, որ եկեղեցականներին առաջադրված մեղադրանքներն ու կիրառված խափանման միջոցները հիմնված են ոչ իրավաչափ փաստերի վրա և հակասում են արդար դատաքննության ու անձի ազատության սահմանափակման միջազգային չափանիշներին։
Խորհուրդը անհրաժեշտ է համարել քայլեր ձեռնարկել Հովհաննավանքի նկատմամբ Մայր Աթոռի իրավունքների և ծիսական կյանքի վերականգնման, հավատացյալների հոգևոր-կանոնական կյանքի պաշտպանության և եկեղեցականների բնականոն ծառայության ապահովման ուղղությամբ»,- ասվում է հայտարարության մեջ։
