Բայրամովը հանդիպել է ԵՄ հատուկ բանագնացին. քննարկել են Բաքու-Երևան հարաբերությունները
Ադրբեջանի արտաքին գործերի նախարար Ջեյհուն Բայրամովն ընդունել է Հարավային Կովկասում ԵՄ հատուկ բանագնաց Մագդալենա Գրոնոյին։
Ինչպես հաղորդում է APA գործակալությունը, հանդիպման ընթացքում քննարկվել են Ադրբեջանի և Հայաստանի միջև հարաբերությունների կարգավորման ընթացքը, Բաքվի և Եվրամիության համագործակցության ներկա վիճակն ու զարգացման հեռանկարները։
Կողմերը կարծիքներ են փոխանակել նաև տարածաշրջանային անվտանգության, ինչպես նաև միջազգային օրակարգի մի շարք հարցերի շուրջ։
