Համալսարանում դաս տվողներին էլ պետք է «փսիխոյով» անցկացնել, նոր թողնել լսարան. Հովհաննիսյան

ԱԺ «Իմ քայլը» խմբակցության անդամ Հովհաննես Հովհաննիսյանը խորհրդարանի այսօրվա նիստում հայտարարեց, որ «փսիխո» պետք է անցնեն նաև դասախոսները:

«Համալսարանում դաս տվողներին էլ պետք է «փսիխոյով» անցկացնել, նոր թողնել լսարան»,- ասաց նա:

Հովհաննիսյանը նաև արձագանքեց իրենց խմբակցության հասցեին հնչող քննադատություններին, նշեց, որ ավելի ուժեղ ինքնիշխանության զգացում, քան ունի «Իմ քայլը», չի պատկերացնում: Դա, ըստ պատգամավորի, ենթադրում է ամրակուռություն ու կարծիքների բազմազանություն, ինչն իրենց մոտ կա:

Պատգամավորն ասաց՝ երբ խոսում են քաղաքացիական անհնազանդության և այլնի մասին, պետք է հիշեն՝ մարդիկ տեսնում են, հասկանում են՝ որտեղից է այդ ամենը կառավարվում, երկիրը հանգիստ է, ապոկալիպսիս չի լինելու, երկիրն էլ զարգանալու է: