Մերձավանի նախկին համայնքապետ Մհեր Ախտոյանի եղբայրը կրկին հարցաքննվել է. «Ժողովուրդ»
Վալոդյա Գրիգորյանի սպանության քրեական գործի շրջանակում Քննչական կոմիտեն կրկին հարցաքննության է հրավիրել Մերձավանի նախկին համայնքապետ, ՔՊ-ական Մհեր Ախտոյանի եղբորը՝ Փարաքարի ավագանու ՔՊ-ական անդամ Դավիթ Ախտոյանին։ Այս մասին գրում է «Ժողովուրդ» օրաթերթը:
Դավիթ Ախտոյանն օրաթերթին հասատել է, որ կրկին հրավիրվել է ու հարցաքննվել: Նա նշել է, որ նախաքննություն է ընթանում, քննությունը ամեն ինչ կպարզի, և այլ բան չի կարող հայտնել։
Հիշեցնենք, որ սեպտեմբերի 23-ի լույս 24-ի գիշերը սպանվեցին երկու հոգի՝ Փարաքար խոշորացված համայնքի ղեկավար Վալոդյա Գրիգորյանը և քրեական ոստիկան Կարեն Աբրահամյանը։
