Անահիտ Ավանեսյանը պատասխանել է Անդրանիկ Քոչարյանի աղմկահարույց հայտարարությանը

Մեծ ցավ ապրեցի պարոն Անդրանիկ Քոչարյանի կողմից այսօր թույլ տված անզգույշ արտահայտության համար, և նորից պետք է ընդգծեմ ` Հայոց բանակում ծառայում են մեր արժանավոր ու լուսավոր տղաները, ովքեր նախընտրում են իրենց պարտքը հայրենիքի առաջ տալ նաև մինչ իրենց ուսումնառությունը: Այս մասին գրել է ԱՆ նախարար Անահիտ Ավանեսյանը:

«Բանակում ծառայելը պատիվ է և կյանքի մեծ դպրոց, որը այլ բանով չի փոխարինվի: 

Բարի ծառայություն մեր բոլոր զինվորներին և հաջող ուսումնառություն մեր տղաներին. նրանք բոլորը մեր երկրի հպարտությունն են»,- գրել է նա:

Ավելի վաղ ՔՊ պատգամով Անդրանիկ Քոչարյանը լրագրողների հետ զրույցում հայտնել էր, թե ինչու իր որդին չի ծառայել:

«Իմ տղան շատ բարձրակարգ տղա է: Դու նրա գիտելիքների չափ որ ունենաս, դու էլ չես ծառայի»,- ասել է Պաշտպանության հանձնաժողովի նախագահ Անդրանիկ Քոչարյանը՝ պատասխանելով լրագրողի հարցին, թե ինչո՞ւ որդին չի ծառայել: