Ռուսաստանը կարող է երկաթուղային փոխադրումներ իրականացնել դեպի Հայաստան Ադրբեջանի տարածքով. Փաշինյան
Վարչապետ Նիկոլ Փաշինյանը «Օրբելի ֆորում. կառուցելով խաղաղություն և բազմակողմանի համագործակցություն» միջազգային համաժողովում հայտարարել է, որ քննարկվում է հնարավորությունը, ըստ որի՝ Ռուսաստանը կարող է երկաթուղային փոխադրումներ իրականացնել դեպի Հայաստան՝ Ադրբեջանի տարածքով։
«Այն, ինչ տեղի է ունենում, երկարաժամկետ խաղաղության, կայունության ու տնտեսական համագործակցության գործոն է»,– նշել է Փաշինյանը՝ ընդգծելով տարածաշրջանային հաղորդակցությունների վերագործարկման ռազմավարական նշանակությունը։
Փաշինյանի խոսքով՝ նման ձևաչափով փոխադրումների իրականացումը կարող է նոր հնարավորություններ ստեղծել ոչ միայն Հայաստանի, այլև ամբողջ Հարավային Կովկասի երկրների համար՝ խթանելով տնտեսական կապերն ու փոխադարձ վստահությունը։
