Ռուսաստանում ադրբեջանցի գործարարին հայտնաբերել են մահացած
Սվերդլովսկի մարզում հայտնաբերվել է 49-ամյա ադրբեջանցի գործարար Իլգար Խանադանովի դին, որը համարվել էր անհետ կորած հոկտեմբերի 24-ից։ Տեղական E1 պորտալի տեղեկություններով՝ դեպքի առթիվ քննիչները հարուցել են քրեական գործ և ուսումնասիրում են հնարավոր հանցավոր տարբերակը։
Խանադանովը զբաղվել է փոքր բիզնեսով․ նա ուներ սեփական արագ սննդի կետ, որտեղ վաճառվել են շաշլիկներ և հոթ-դոգեր։ Կնոջ խոսքերով՝ ամուսինը չուներ ֆինանսական պարտավորություններ կամ գործնական վեճեր, որոնք կարող էին կապված լինել մահվան հետ։
Նրա մարմինը մոտ օրերս կփոխադրվի Ադրբեջան՝ հուղարկավորության համար։ Դեպքի մանրամասները դեռևս ուսումնասիրվում են իրավապահների կողմից։
