ՊՆ-ից հերքել են Ոսկան Սարգսայնի հայտարարությունը

ՀՀ ՊՆ մամուլի քարտուղար Արամ Թորոսյանը հայտնել է, որ լուրերը, թե 2026թ. բանակից մեծ թվով սպաների զորացրում է կատարվելու և ԶՈւ-ում 20 տարի ծառայած զինծառայողները զինվորական թոշակ կստանան կենսաթոշակային տարիքում չի համապատասխանում իրականությանը։

Ավելի վաղ լրագրող Ոսկան Սարգսյանը ֆեյսբուքյան իր էջում գրել էր. «Բանակից ոչ պաշտոնապես տեղեկացել եմ, որ 2026 թվականին բանակից մեծ թվով սպաների զորացրում է կատարվելու։ Նաև նախագիծ կա, որ զինված ուժերում 20 տարի ծառայած զինծառայողները զինվորական թոշակ ստանան ոչ թե զինծառայության 20 տարին լրանալուց հետո (ինչպես հիմա է կատարվում), այլ իրենց կենսաթոշակային տարիքում՝ 63 տարեկանում։ Այս լուրերը բանակի սպաների մեջ անհանգստություն են առաջացրել»։