Մելանյա Թրամփի Պուտինին ուղղված կոչի հետևանքները. ԱՄՆ-ում Ռուսաստանի դեսպանը մանրամասնել է

ԱՄՆ-ում Ռուսաստանի դեսպան Ալեքսանդր Դարչիևը հայտարարել է, որ առաջին տիկին Մելանյա Թրամփի նախագահ Վլադիմիր Պուտինին ուղղված կոչից հետո մի քանի ընտանիքներ արագ վերամիավորվել են, հաղորդում է ՌԻԱ Նովոստին։

Նրա խոսքով՝ Մելանյա Թրամփը, որը խնդրել էր Ռուսաստանի առաջնորդին լիարժեք ուշադրություն դարձնել հակամարտության գոտում անչափահասների ճակատագրին, շնորհակալություն է հայտնել Մոսկվային մանրամասն և օբյեկտիվ տեղեկատվություն տրամադրելու պատրաստակամության համար։

«Այս համագործակցության շնորհիվ յոթ երեխա արագ վերամիավորվել է Ուկրաինայում գտնվող իրենց ընտանիքների հետ, իսկ մեկ աղջիկ վերադարձել է Ռուսաստան», - ասվում է Դարչիևի հայտարարության մեջ։

Վերամիավորումները փաստաթղթավորվել են Կարմիր խաչի միջազգային կոմիտեի կողմից։