Եվս մեկ երկիր հրաժարվել է մասնակցել Մոսկվայում կայանալիք Հաղթանակի օրվա միջոցառումներին

Ուզբեկստանի նախագահ Շավքատ Միրզիյոևը ներկա չի գտնվի Մոսկվայում կայանալիք Հաղթանակի օրվա 81-ամյակի միջոցառումներին։

Կառավարական աղբյուրները հաստատել են, որ երկրի առաջնորդը չի մասնակցի մայիսի 9-ի հանդիսություններին։ Կրեմլի կողմից ներկայացված հրավիրյալների ցանկում Կենտրոնական Ասիայի երկրների ղեկավարները բացակայում են։ Փոխարենը սպասվում է Լաոսի, Աբխազիայի նախագահների, Սլովակիայի վարչապետի, Մալայզիայի առաջնորդի և Բոսնիա և Հերցեգովինայի Սերբական Հանրապետության ներկայացուցիչների մասնակցությունը։ Մոսկվա կժամանի նաև Բելառուսի նախագահ Ալեքսանդր Լուկաշենկոն, ով մայիսի 8-ի երեկոյան նախատեսված ոչ պաշտոնական ընթրիքի շրջանակում հանդիպում կունենա Վլադիմիր Պուտինի հետ։