Կառավարությունը հրաժարվեց «Հայփոստի» բաժնետոմսերից

Կառավարությունը որոշեց հրաժարվել «Հայփոստ» ՓԲԸ-ին պատկանող բաժնետոմսերից։

Կառավարության այսօրվա նիստում ընդունված որոշմամբ՝ պետությունը հրաժարվեց «Հայփոստ» ՓԲԸ-ին պատկանող 1,357,600 հատ բաժնետոմսերից, որոնցից յուրաքանչյուրի անվանական արժեքը 1000 դրամ է։

Նախագծի հիմնավորման մեջ նշվում է, որ որոշումը պայմանավորված է «ՌԵՆՇԻՆ» ՍՊԸ-ի, Հայաստանի Հանրապետության, «Համաշխարհային առևտրի կենտրոն Երևան» ՓԲԸ-ի և «Հայփոստ» ՓԲԸ-ի միջև 2024 թվականի հունիսի 4-ին ստորագրված Բաժնետիրական համաձայնագրի դրույթներով։

Ըստ որոշման՝ «Հայփոստ» ՓԲԸ-ին պատկանող 6,788,000 հատ բաժնետոմսեր՝ յուրաքանչյուրը 1,000 ՀՀ դրամ անվանական արժեքով, ընդհանուր 6,788,000,000 ՀՀ դրամ արժողությամբ, փոխանցվելու են «ՌԵՆՇԻՆ» ընկերությանը։