Դատական համակարգը քաղաքականացված է․ Սարգսյանը՝ Մասիսի համայնքապետի ձերբակալության մասին

Ակնհայտ է, դատական համակարգը քաղաքականացված է, իսկ դատավիճները կախված են մեկ անձից։ Լրագրողների հետ զրույցում նման հայտարարությամբ է հանդես եկել 3-րդ նախագահ Սերժ Սարգսյանը։ 

Նա նաև անդրադարձել է Մասիսի համայնքապետ Դավիթ Համբարձումյանի կալանավորմանը՝ նշելով, որ կիրառվել է այնպիսի ժամկետ, որպեսզի հետո համաներում լինելու դեպքում այն չազդի այդ պատժամիջոցի վրա։

«Պարզ է, որ եվրոպական կառույցները չեն արձագանքի, քանի որ ակնհայտ  է, նրանք սատարում են իշխանություններին»,- ասել է Սերժ Սարգսյանը։

Հավելենք, որ Դավիթ Համբարձումյանին երեկ՝ «Զվարթնոց» օդանավակայանում, կալանավորեցին։ Նա  դատապարտվել է 6 տարի 3 ամիս ժամկետով ազատազրկման: Դատավորը վերացրել է նաև խափանման միջոց գրավը և կիրառել կալանք:

Հիշեցնենք նաև, թե ինչու է Մասիսի համայնքապետին մեղադրանք առաջադրվել, մասնավորապես, այն բանի համար, որ նա 2018թ. իշխանափոխության օրերին խախտել է հասարակական կարգն ու բռնություն գործադրել ցուցարարների նկատմամբ: