Բաքվում ձերբակալված Ռուսաստանի քաղաքացիների վերաբերյալ դատարանը նոր որոշում է կայացրել

Բաքվում Սաբայիլյանի շրջանային դատարանը որոշում է կայացրել երկարաձգել Ռուսաստանի քաղաքացիների կալանքը ևս երեք ամսով։ Այս մասին տեղեկացրել է նրանց պաշտպան Էլչին Սադիգովը։

Նրա խոսքով՝ կալանավորված անձինք ձերբակալվել էին Ադրբեջանի Ներքին գործերի նախարարության իրականացրած գործողության արդյունքում, որը վերաբերում էր Իրանից իրականացվող թմրամիջոցների տեղափոխման և շրջանառության, ինչպես նաև կիբերախարդության դեպքերին։

Հիշեցնենք` հուլիսի 1-ին դատարանը նրանց նկատմամբ կիրառել էր կալանքի ձևով խափանման միջոց՝ չորս ամիս ժամկետով: