«Կարծիք արտահայտելու ձև էլ կա ու ձևաչափ». Մհեր Գրիգորյանը մեկնաբանել է Հովհաննավանքում տեղի ունեցած միջադեպ
Փոխվարչապետ Մհեր Գրիգորյանը ԱԺ-ի մուտքի մոտ լրագրողների հետ զրույցում անդրադարձել է Հովհաննավանքում տեղի ունեցած միջադեպին, երբ քաղաքացին փորձել էր բողոքել կարգալույծ քահանայի՝ պատարագ մատուցելու դեմ։ «Բայց ի՞նչ ձևով է իր կարծիքը հայտնել՝ բղավելով եկեղեցո՞ւմ։ Ես համաձայն չեմ, որ դա ճիշտ ձևաչափ է կարծիք արտահայտելու համար»,– ասել է Գրիգորյանը։
Նախքան մեկնաբանությունը փոխվարչապետը հետաքրքրվել է, թե ինչ կարգախոս է հնչեցրել քաղաքացին։ Լրագրողների պարզաբանմամբ՝ նա բղավել էր, որ կարգալույծ հոգևորականը չի կարող պատարագ մատուցել։
Գրիգորյանը նշել է, որ ժողովրդավարության պայմաններում յուրաքանչյուր ոք կարող է արտահայտել իր դիրքորոշումը, սակայն այն պետք է արվի հարգալից և օրինական ձևով։ «Կարծիք արտահայտելու ձև էլ կա ու ձևաչափ»,– ընդգծել է փոխվարչապետը։
