«Մոսադը» բացահայտել է իրանական ցանց, որը կանգնած է ամբողջ աշխարհում ահաբեկչական հարձակումների հետևում

«Մոսադը» նոր տեղեկություններ է բացահայտել Իսլամական հեղափոխության պահապանների կորպուսի «Ղուդս» ուժերի գլխավորած իրանական միջազգային ահաբեկչական ցանցի մասին։

Այն կանգնած էր ահաբեկչական հարձակումների նախապատրաստման և վերջերս ամբողջ աշխարհում հրեական թիրախների վրա իրականացված մի շարք հարձակումների հետևում։

Իսրայելի վարչապետի գրասենյակի տվյալներով՝ բացահայտվել է աշխարհի տարբեր երկրներում ահաբեկչական հարձակումներ կազմակերպելու մեջ ներգրավված բարձրաստիճան իրանցի պաշտոնյա։

Խոսքը ԻՀՊԿ ավագ հրամանատար Սարդար Ամարի մասին է։ Մոսադի տվյալներով՝ նրա հրամանատարությամբ ստեղծվել է միջազգային ցանց, որը 2023 թվականի հոկտեմբերի 7-ից հետո պլանավորել է հարձակումներ Հունաստանում, Ավստրալիայում և Գերմանիայում գտնվող իսրայելական և հրեական թիրախների դեմ։

Հետախուզությունը պարզել է, որ Ամարը ղեկավարում էր մոտավորապես 11,000 գործակալների:

Ավելին, ահաբեկիչները պլանավորել էին հարձակումներ բարձրաստիճան հրեա գործիչների վրա: 2024-2025 թվականներին տասնյակ հարձակումներ կանխվել են Իսրայելի և օտարերկրյա հետախուզական գործակալությունների համատեղ գործողությունների շնորհիվ:

Ըստ «Մոսադ»-ի, Իրանի ներգրավվածությունը թաքցնելու նպատակով ցանցը հավաքագրել է ոչ իրանցիների, օգտագործել է հանցավոր խմբավորումներ և պահպանել է բարձր աստիճանի տարանջատվածություն։