Թրամփը ակնկալում է Չինաստանի օգնությունը

Չինաստանի առաջնորդ Սի Ցզինպինի հետ առաջիկա բանակցություններում մտադիր եմ քննարկել ռուս-ուկրաինական հակամարտության կարգավորման հարցը: Այս մասին հայտարարել է ԱՄՆ նախագահ Դոնալդ Թրամփը:

Նա հավելել է, որ Մոսկվայի հետ բանակցություններում ակնկալում է Պեկինի օգնությունը: Այս մասին փոխանցում է kommersant.ru-ն։

«Մենք քննարկելու ենք Ռուսաստանը և Ուկրաինան։ Ես կցանկանայի, որ Չինաստանը մեզ օգնի Ռուսաստանի հարցում»,- ասել է Թրամփը:

Ինչպես նշել է ԱՄՆ նախագահը, Վաշինգտոնը նախկինում նոր շատ խիստ պատժամիջոցներ էր կիրառել Մոսկվայի նկատմամբ։