Պեսկովը՝ Ուկրաինայի պատճառով բանակցությունների դադարի մասին
Բանակցային գործընթացում Ուկրաինայի պատճառով առաջացած դադարը խոչընդոտում է հակամարտության կարգավորմանը։ Այս մասին հարցազրույցի ընթացքում հայտարարել է Ռուսաստանի նախագահի մամուլի քարտուղար Դմիտրի Պեսկովը։
Պեսկովը նշել է, որ ներկայում Մոսկվայի և Կիևի միջև փոխադարձ վստահության մասին խոսք լինել չի կարող։ Նրա խոսքով՝ նման մթնոլորտում բարդ է իրական առաջընթաց ապահովել բանակցային գործընթացում։
Խոսելով հնարավոր Պուտին–Թրամփ հանդիպման մասին՝ Կրեմլի խոսնակը հավելել է, որ նման հանդիպման համար անհրաժեշտ է լուրջ նախապատրաստական փուլ։
«Կրեմլը կարծում է, որ Բուդապեշտի գագաթնաժողովը որոշ պահի անհրաժեշտ կլինի, բայց դրան պետք է նախորդի մանրակրկիտ աշխատանք»,– նշել է Պեսկովը։
